Түркияның білім беру жобалары «жұмсақ күш» саясаты құралы ретінде

Аннотация

Өткен ғасыр Бірінші дүниежүзілік соғыстан басталып, қырғи-қабақ соғыстың бітуімен аяқталды. Күш әрекеттеріне қарама-қарсы жұмсақ күш ұғымы қолданысқа енді. Қатты күшке қарағанда жұмсақ күш мәжбүрлеуді қолданбаған. Ол қоғамдық дипломатиясы арқылы жүзеге асты. Бұл әдісті елдер өздерінің саяси мақсаттарын нақтылау және достық байланыстарды нығайту үшін пайдаланды. Мәдени ортақтық негізінде жүзеге асырылатын қоғамдық дипломатия елдерге өздерінің саяси бағыттарын құруға мүмкіндік берді. Қоғамдық дипломатияның басты ерекшелігі – халықпен екі жақты қарым-қатынас жасау, диалогқа тек билік пен қоғам ғана емес, сонымен бірге халықтың өзара араласуына да мүмкіндік беру. Бұл коммуникацияның маңызды құрамдас бөлігі жоғары білімді интернационалдандыру шеңберінде студенттер мен оқытушылардың алмасу бағдарламалары болып табылады. Түркия үшін бұл әсіресе отарлаудан кейінгі дәуірде әлемдік аренаға жаңа түркітілдес елдердің шығуы маңызды болды. Түркияның Еуропа мен Азия арасындағы географиялық орналасуымен бірге бұл іс-шаралар әртүрлі халықаралық білім беру бағдарламаларын құруды күшейтеді. Бұл түркі елдерімен жойылған мәдени байланысты қалпына келтіруге ғана емес, Түркияның халықаралық аренадағы беделін көтеруге мүмкіндік берді. Бұл мақалада Түркияның жұмсақ күші құралдары ретінде Ұлы студенттік жоба, Түркия стипендиялары, Мевлана сияқты жобалар талқыланады. 21 ғасырдағы түрік сыртқы саясатындағы академиялық алмасу бағдарламаларының іске қосылуына әсер еткен оқиғалар да талданады. Түйін сөздер: жұмсақ күш, білім, алмасу бағдарламалары, Мевлана