"Орыстар" ағылшын елшілерінің жазбаларында
Аңдатпа
Мақалада ағылшын елшілері мен саяхатшыларының Ресейде болып, өздерінің сапарлары жайында қалдырған шығармалары қарастырылады. Осы жазбаларда шетелдіктердің орыс халқы туралы көрінісі сипатталады. Ресейде болған әрбір адам, өзіне қызықты жерлерді, заттарды зерттеген, сонымен қатар шетелдіктердің көзіне «жабайы» немесе түсініксіз нәрселерді сипаттаған. Мәскеу жерінде болғандардың шығармаларында орыс халқының жай күйі, қоныстары және үйлері мен тағамдары жайлы мәліметтерді қамтиды. Сондай-ақ, елшілер Мәскеудің сәулет-құрылыстарын сипаттайды. Тағы бірі қызықты мәліметтер болып, дипломаттардың Ресей елінің көрші елдермен саяси- экономикалық қарым- қатынасы жайлы жазбалары болып табылады. Англия үшін стратегиялық маңызды роль атқаратын, ерекше орын алатын тауарлар болды, сонымен қатар олардың әр түрлі тәсілмен Ресейдің сауда артықшылықтарын басып алу болды.
