Жеңіске 70 жыл. Қазақстандықтардың Белоруссияны азат ету жолындағы күресі мен ерліктері
Аңдатпа
1941-1945 жж. Герман фашизмі мен Кеңес Одағы арасындағы соғысқа Қазақстан халқының төрттен бірі аттанды. Бұл соғыста жеңіске жетуде Қазақстандықтар жанқиярлық танытты. Қазақстандық құрамалардың жауынгерлік жолы 1941 жылғы қаһарлы шақта Мәскеу түбінен басталып, 1945 жылы көктемде Берлинде аяқталды. Олар Ленинградты қорғады, Сталинградтың түбінде, Курск иінінде шайқасты, Украинаны, Белоруссияны, Молдованы, Балтық елдерін азат етті, Еуропа халықтарын да фашистік езгіден құтқарды. Мақаланың негізгі мақсаты осы шайқастардың ішіндегі Белоруссияны фашист басқыншыларынан азат етуге қатысқан қазақстандық әскери құрамалар мен жауынгерлердің ерліктерін көрсету. Белоруссия жерін жау әскерінен тазарту жолындағы әскери операциялар барысындағы қазақстандықтардың өжеттілігі мен батырлығын дәріптеу.
