Хан жарлықтары ортағасырлық мемлекеттердің әкімшілік-саяси тарихын зерттеу тұрғысынан
Аңдатпа
Мақалада хан жарлықтары ортағасырлық мемлекеттердің саяси, әлеуметтік-экономикалық тарихы бойынша маңызды мәліметтер жинақтаған деректер ретінде қарастырылған. Ортағасырлық мемлекеттердің іс-қағаз жүргізуінде хан жарлықтары негізгі ресми құжаттар ретінде айналымда болған. Осыған байланысты жарлықтар адресаттарын талдау нәтижесінде ортағасырлық мемлекеттердің әкімшілік шендерінің толық тізімін, саяси құрылымы туралы толық мәліметтерін, іс-қағаздардың дамуы мен эволюциясы туралы маңызды деректерді алуға болады. Жарлықтарда ортағасырлық мемлекеттердің белгілері мен құбылыстарын, оларға тән феодалдық институттардың пайда болуынан бастап жойылуына дейін зерттеуге болады. Деректерде Орта Азияның ортағасырлық мемлекеттерінің, оның ішінде Қазақ хандығының әлуеметтік-саяси үдерістер зандылықтарын зерттеу бойынша құнды дәләлдер мен деректер бар.
