Қазақстанда архив ісін ақпараттандыру (шетелдік және отандық тәжірибелер)

Аңдатпа

Мақалада Қазақстанда архив ісін ақпараттандыру мәселесі шетелдік тәжірибелерді талдау негізінде Ресей мен АҚШ-тың мысалында қарастырылады. АҚШ архив мекемелерінде ақпараттық технологияларды енгізуде ең дамыған елдердің бірі. Сондай-ақ, Миннесота университетінің цифрлық технологияларды қолдану тәжірибесі де қаралды. Миннесота университеті әлемдегі ең үздік 200 университеттің тобына кіреді және АҚШ-тың жетекші ЖОО болып табылады. Осы тұрғыдан алғанда ақпараттандыру саласында шетелдік тәжірибені зерттеу өте қажет. Мақалада Қазақстан Республикасы Президенті Архивінің қызметі негізінде архив саласын ақпараттандырудың қазақстандық тәжірибесіне ерекше назар аударылады. ҚР Президент Архиві ақпараттандыру саласында көптеген жұмыстар атқарды: Архив ақпараттандыру тұжырымдамасын қабылдады, «Электронды архив» жүйесі құрылды, жергілікті ақпараттық іздеу жүйелері және архив құжаттарының тақырыптық кешендерінің мәліметтер базалары енгізілді, виртуалды пайдаланушылардың онлайн режимі ұйымдастырылды.