Хан жарлықтарының тархандық түрлерін деректанулық талдау және сыныптау

Аңдатпа

Отандық деректануда ортағасырлық акт деректерін жүйелеу және сыныптау мәселелері аз зерттелген бағыт. Мақалада ғылыми айналымда «тархан жарлықтары» деп аталатын акт деректердің ерекше тобына деректанулық сын жүргізілген. Тархан жарлықтары үш жеке топқа жіктелген. Сонымен қатар мақалада «тархан» деп аталатын әлеуметтік топты айқындайтын тарихи фактілер келтірілген. Тархан жарлықтарының мәтіндерінде сақталған мәліметтер бойынша тархандардың сандық құрамын, ортағасырлық қоғамдағы алатын орны мен статусын анықтауға болады. Тархан жарлықтарын топ пен түрлерге жіктеу ортағасырлық тарих бойынша дереккөздердің табиғатын анықтауға септігін тигізеді.