О журнале

ҚазҰУ Хабаршысы. Тарих сериясы – ашық қолжетімділіктегі рецензияланатын халықаралық ғылыми-тарихи журнал.

Журналдың мақсаты – өңірлік және әлемдік тарихнама арасындағы ғылыми диалог үшін кеңістік құру, тарих, археология, этнология және мұрағаттану тоғысындағы пәнаралық зерттеулерді дамыту. Қазақстан мен Орталық Азияның еуразиялық контекстегі тарихына назар аудара отырып, журнал әлемдік тарих ғылымының кең ауқымды тарихнамалық пікірталастарына ашық.

ҚазҰУ Хабаршысы. Тарих сериясы 1992 жылы құрылған. Журналдың негізін қалаушысы және баспагері – әл-Фараби атындағы Қазақ ұлттық университеті, қазақстандық ғылым мен білімнің жетекші ошағы, QS World University Rankings рейтингінің топ-200 қатарына кіретін, әлемдік академиялық қауымдастық мойындаған университет.

Журналдың миссиясы – Қазақстан, Орталық Азия, Еуразия және әлемнің басқа өңірлерінің тарихымен айналысатын, әртүрлі ғылыми мектептер мен ұлттық дәстүрлерді білдіретін зерттеушілер үшін жаһандық платформа құру.

ҚазҰУ Хабаршысы. Тарих сериясы тарихи процестерді, мәдениеттің эволюциясы мен әлеуметтік дискурсты түсінуге ықпал ететін түпнұсқа ғылыми мақалалар мен шолулар, монографияларға рецензиялар, мұрағаттық зерттеулер жариялайды. Жоғары рецензиялау стандарттары мен қатаң этикалық қағидаттарды ұстана отырып, редакция жарияланған зерттеулердің қолжетімділігі мен тұтастығын қамтамасыз етеді.

Қарауға автордың дербес ғылыми еңбегінің нәтижесі болып табылатын және бұрын жарияланған материалдарды, соның ішінде автордың өз жарияланымдарын толық немесе ішінара қайталамайтын түпнұсқа қолжазбалар ғана қабылданады.

Негізін қалаушы және баспагер: Әл-Фараби атындағы Қазақ ұлттық университеті. Қазақстан Республикасы, Алматы қаласы, 050040, Әл-Фараби даңғылы, 71

КУӘЛІГІ ҚР Мәдениет және ақпарат министрлігінің Ақпарат комитеті 2017 жылдың 4 мамырында берген № 16495-Ж.

ISSN 1563-0269

eISSN  -2617-8893

Журналдың мерзімділігі: Журнал жылына төрт рет (наурыз, маусым, қыркүйек және желтоқсан) жарық көреді.

Журналда мақалалар қазақ, ағылшын және орыс тілдерінде жарияланады.

ҚазҰУ хабаршысы. Тарихи сериясы Қазақстан Республикасы Ғылым және жоғары білім министрлігінің Ғылым және жоғары білім беру саласындағы сапаны қамтамасыз ету комитеті ұсынған журналдар тізіміне енгізілген.