ҚЫТАЙДАН КЕЛГЕН ЭТНИКАЛЫҚ ҚАЗАҚТАРДЫҢ ҚАРАҒАНДЫ ӨҢІРІНДЕГІ БЕЙІМДЕЛУІ
DOI:
https://doi.org/10.26577/Кілт сөздер:
этникалық көші-қон, Қазақстан, репатриация, көші-қон желілері, интеграция, Қарағанды өңірі, қазақ диаспорасыАңдатпа
1991 жылы Қазақстан тәуелсіздікке ие болғаннан бастап шет елдерде тұратын этникалық қазақтарды тарихи отанына қайтаруға бағытталған ауқымды саясат жүргізе бастады. Жергілікті халықпен этникалық бірегейлігі ортақ болғанымен отанына оралған қандастардың бейімделуі бірқатар күтпеген қиындықтарға кезігеді. Мақалада 1991–2021 жылдары аралығында Қытайдан Қарағанды өңіріне қоныс аударған этникалық қазақтардың көші-қоны мен бейімделу үдерісі қарастырылады. Зерттеу жұмысы статистикалық мәліметтерді, архив материалдарын және тереңдетілген сұхбаттардың деректерін талдауға бағытталған аралас әдіснамаға негізделген. Зерттеу нәтижелері қандастардың этникалық және тілдік бірегейлігіне қарамастан, күнделікті әлеуметтік қарым-қатынаста, еңбек нарығында, әкімшілік рәсімдерде әртүрлі кедергілерге кезігетінін көрсетеді. Сонымен қатар қоныс аударуды көші-қон желілерінің жеңілдетудегі рөлі айқындалып, тілдік құзыреттілік, институционалдық қолдау және әлеуметтік-мәдени айырмашылықтардың интеграция нәтижелеріне ықпалы көрсетілді. Мақала қазіргі Қазақстандағы репатрианттардың бейімделуіне этникалық қазақтардың көші-қоны туралы ғылыми әдебиетке үлес қосып, тарихи тәжірибелер мен посткеңестік институционалдық ахуал қалай әсер ететінін көрсетеді.
