ХОРЕЗМСКАЯ АРХЕОЛОГО-ЭТНОГРАФИЧЕСКАЯ ЭКСПЕДИЦИЯ И САРАЙШЫК
DOI:
https://doi.org/10.26577/JH.2024.v112.i1.014Аннотация
Мақалада КСРО Ғылым академиясының корреспондент мүшесі, тарих ғылымдарының докторы, профессор, белгілі этнограф, археолог, шығыстанушы Сергей Павлович Толстов жетекшілік еткен Хорезм археологиялық-этнографиялық экспедициясының Ортағасырлық Сарайшық қаласын зерттеуі баяндалады. Хорезм археологиялық-этнографиялық экспедициясы (ХАЭЭ) – ғылыми-зерттеу мекемесі. 1937–1992 жылдар аралығында Орталық Азияда зерттеу жүргізді. 1937–1945 жылы Хорезм археологиялық экспедициясы деп аталған. Хорезм экспедициясының негізін 1937 жылы көрнекті кеңес археологы және этнографы Сергей Павлович Толстов қалады. Ол Хорезмді «Орта Азия Египеті» деп атады және өмірін Хорезмнің материалдық және материалдық емес мұраларын зерттеуге арнады. Экспедиция КСРО Ғылым академиясының этнография және антропология институтында (кейіннен РҒА этнология және антропология институты) құрылды. 1945 жылдан бастап Хорезм археологиялық-этнографиялық экспедициясы (ХАЭЭ) атауымен ғылыми ортаға кеңінен танылды.
