Ортағасырлық Меркі қаласы

Аннотация

Мақаланың мақсаты ортағасырлық жазба деректерді және 1983–2016 жылдарда Меркі қаласында жүргізілген археологиялық зерттеулердің нәтижесінде алынған материалдарды пайдалана отырып қаланың тарихи қалыптасқан топографиялық құрылымын, оның жекелеген бөліктерінің қалыптасу, даму кезеңдерін анықтау, қазіргі экологиялық ахуалын көрсету. Қаланың тарихи құрылымын анықтау үшін А.Н. Бернштам, К.М. Байпақов, М. Елеуов, А. М . Досымбаева, А. Нұржанов, О. Кузнецова, Д. Воякиннің есептері, еңбектері пайдаланылды. Мақалада көтерілген мәселені дұрыс шешу үшін салыстырмалы – типологиялық, жазба деректер бойынша даталау және археологиялық қазбада қолданылып жүрген кең көлемді қазба, стратиграфиялық кесік әдістерінің материалдары пайдаланылды. Мақалада жасалған тұжырымдар Қазақстанның ортағасырлық қалалары туралы ғылыми еңбектер жазу, жоғарғы оқу орны студенттеріне дәріс оқу кезінде пайдаланылады. Зерттеу барысында алынған нәтижелер ортағасырлық Меркі қаласының қорғау аймағын белгілеуге көмектеседі.