Қазақстандықтардың Украинаны азат ету жолындағы күресі мен ерліктері

Аннотация

1941-1945 жж. КСРО мен Герман фашизмі арасындағы соғыс ха- лықты қатал сынаған соғыс болды. Бұл соғысқа Қазақстаннан аттанған аталарымыз бен апаларымыз барлық майдан шептерінде жанқиярлық танытты. Сол майдандардың бірі Украинаны фашист басқыншыла- рынан азат ету еді. Майданға шақырылған 1,2 млн қазақстандықтың 600 мыңы тікелей Украинаны азат ету ұрыстарына  қатысты.  Оның 300 мыңы украин жерінде көз жұмды. Украина территориясындағы партизан бірлестіктерінде 1500 қазақстандық жаумен шайқасты. Қа- зақстандық партизандар жаумен шайқаста үлкен ерлік танытты. Ма- қаланың негізгі мақсаты осы шайқастардың ішіндегі Украинаны фа- шист басқыншыларынан азат етуге қатысқан қазақстандық әскери құрамалар мен жауынгерлердің ерліктерін мадақтау. Украина жерін жау әскерінен тазарту жолындағы әскери операциялар барысындағы қазақстандықтардың есімдерін, өжеттілігі мен батырлығын дәріптеу