Моңғолиядан келген қазақтардың қолөнерлеріндегі кейбір ерекшеліктері

Аннотация

Мақалада қолөнеріміздің озық үлгілерін қаймағын бұзбай қазірге дейін жеткізіп, өнерін кейінгі ұрпаққа өнеге етіп үйретіп отырған Моңғолиядан келген отандастарымыздың қолөнерлеріндегі ерекшеліктері туралы баяндалады. Малшаруашылығымен айналысатын отандастарымыздың мал жүнінен әртүрлі бұйымдар жасап, қазақ халқының дәстүрлі материалдық мәдениетінің өмір тіршілігінде аса маңызды рөл атқарып отырғанын дәлелдеп отыр. Соның ішінде әйелдердің қолөнер түрлері: киіз басу, сырмақ сыру, түскиіз жасаудағы ерекшеліктерімен қатар шикізат түрлері, жүннен киіз ақ киіз, қара киіз жасау, бұл әрине өте күрделі әдістердің бірі, қойдың жабағы жүнін түтіп, сабап, шиге тартып, ыстық су сеуіп, шеттерін жинай отырып шиге орайтын сияқты киіздің жасалу технологиялары да қарастырылды. Сонымен қатар, жойылып бара жатқан өнердің бірі – кесте тігу өнері айтылып, олардың қолдану түрлері туралы баяндалады.