ОСВЕЩЕНИЕ МАТЕРИАЛОВ В ТУРЦИИ В СОВЕТСКОЙ ПЕРИОДИЧЕСКОЙ ПЕЧАТИ
DOI:
https://doi.org/10.26577/JH.2023.v108.i1.014Аннотация
Мақала мазмұны Кеңес үкіметі мен Түркия Республикасының саяси-мәдени қарым-қатынастарының кеңестік баспасөздерде жариялануы бүгінгі таңда тереңдей зерттеудің қажеттілігінен туындайды. Осыған байланысты мақалада кеңестік баспасөзде Кеңес үкіметі мен Түркияның мәдени және саяси қарым-қатынастарына талдау жасалып, өзара кеңес-түрік қарым-қатынастарын құру мен дамытудың негізгі себептерін анықтауға бағытталған. Бұл мәселені зерттеудің жетекші тәсілі тарихи ғылыми және әдеби дереккөздерді талдау әдісі болып табылады, оның көмегімен Ататүрік кезеңіндегі Түркия тарихының кеңестік мерзімді басылымдарында жарық көрген алдыңғы ғылыми мақалалар зерттеліп, 1920-1938 жылдары жарық көрген «Правда» және «Известия» газеттерінің мұрағаттық басылымдарынан зерттеу тақырыбы бойынша ақпарат жиналды. Зерттеуде келесі әдістер қолданылды: тарихи-генетикалық әдіс, тарихи-жүйелік әдіс, диахрондық талдау әдісі, синтез және дедукция әдістері, сонымен қатар салыстыру әдісі. Мақалада жүргізілген талдау нәтижелері Кеңес үкіметі мен Түркияның Кеңес баспасөзіндегі мәдени және саяси қарым-қатынастары жан-жақты қарастырылып, кеңестік газеттердің риторикасын социалистік режим тұрғысынан түсіндіреді, Кеңес және Австрия, Мажарстан және Ауған баспасөзіндегі Түркиямен байланысты жаңалықтарды салыстырады, әр тараптың тиімді кеңес-түрік қарым-қатынастарын орнатуы мен дамытудың негізгі себептері анықталып, деректік әдіснамалық мәселелері бойынша ғылыми қорытындылар жасалды.
