Хіх-хх ғғ. Басындағы қазақ даласындағы емшілік категориялары және емдеу тәсілдері

Аннотация

Қазақ халқындағы халықтық медицина – этномәдени бірліктер қатарынан орын алатын этнология ғылымындағы өзекті тақырыптардың бірі. Халық ілімі, оның ішіндегі халық медицинасын этнографиялық тың материалдармен толықтыра отырып зерттеу ғылым үшін де, күнделікті өмір тұрмысы үшін де маңызы бар мәселелер қатарына жатады. Осы орайда бұл жұмыста халық медицинасының дамуы, оның культтік немесе діни қырлары, сондай-ақ тіршілік жүйесі өмір қамының ғұрыптық қызмет белгілері сөз болады. Бұл халықтың рухани өмірін зерттеудегі басты зерттеу нысаны ретінде мәселе ауқымына айналып отыр. Бұл тек этнограф ғалымдардың ғана емес, дәрігерлердің, болашақ мәдениеттанушы, сондай-ақ тарихшы, жалпы көпшілік қауымның бірге атқарар ісі дей отырып, соңғы жылдардағы Ұлы дала мәдениетімен ұштасып жатқан емдеу әдістері мен емшілік категориялардың халық арасындағы практикалық қолданыстағы тәжірибелерінің сонау көне дәуірден орын алып келе жатқандығын Кеңес дәуіріне дейінгі еңбектер қатарынан да байқалатындығы баяндалады.