АРХЕОЛОГИЯ ҒЫЛЫМЫНДАҒЫ ТРЕПАНАЦИЯНЫҢ ЗЕРТТЕЛУ ТАРИХЫ

Аннотация

Трепанацияға деген қызығушылық ХІХ ғасырдан пайда бола бастады. Алғашқылардың бірі болып Венгр ғалымдарының хабарларын кездестіруге болады. Сол кезеңнен бері осы тақырыпта көптеген шетелдік және отандық археолог, антрополог, медицина ғалымдары қалам тартты. Мақалада көне дәуірлерден бастау алатын трепанация құбылысының зерттелу тарихы жан-жақты ашып көрсетілді және оның даму кезеңдеріне шолу жасалды.
Әлемдік тәжірибеде трепанация тірі адамға да, өлген адамға жасалған жағдайлар кездеседі. Автор ғалымдардың тірі адамдарға және мәйітке трепанация жасау себептері туралы пікірлеріне тоқталды.
Сонымен қатар, кейінгі жылдары Қазақстан жерінен көбіне патша обаларынан жиі табылып жатқан бас сүйектің және жілік сүйектердің бұрғылануына байланысты жүргізілген зерттеу жұмыстары нәтижесіндегі отандық археологтардың пікірлері салыстырыла талданды.