СОҒЫС ӘЙЕЛДЕР КӨЗҚАРАСЫМЕН: ХИУАЗ ДОСПАНОВА ЕСТЕЛІКТЕРІ

Аннотация

Ұлы Отан соғысына байланысты тарихи жады жетпіс жыл жыл мерзім өтсе де халықтың санасында ұмытылмас із қалдырғаны анық. Ерлер мен әйелдердің соғысқа қатысу тәжірибесі, күнделікті өмірде соғыс тауқыметін жеңудегі тәжірибелері зерттеушілік тұрғыдан ғана емес, практикалық тұрғыдан да өте маңызды. Соғыс ардагерлері жүріп өткен қиын жол бүгінгі жас ұрпаққа үлгі боларлық екені сөзсіз. Өткен соғыс туралы естеліктер бүгінгі жас ұрпақты партиотизмге тәрбиелеуде негізгі факторлардың бірі болып қала береді, әсіресе Хиуаз Доспанова секілді аттары аңызға айналған тұлғалар мысалында.
Тарихи зерттеулердегі гендерлік тұрғы зерттеу аясына тарихшылардың назарынан тыс қалып келген көптеген тың тақырыптарды қосуға мүмкіндік бере отырып, тарихты байытып қана қоймай тұрғындардың барлығын қамту арқылы оны шынайы халықтық деңгейге жеткізеді. Мақалада соғыс жылдарындағы әйелдер тағдырын Хиуаз Доспанова естеліктері ізімен талдауға талпыныс жасалады.