АРХЕОЛОГИЯ ӘУЕСҚОЙЛАРЫ ТҮРКІСТАН ҮЙІРМЕСІНІҢ ҚҰРЫЛУЫ ТАРИХЫ, МАҚСАТЫ МЕН МІНДЕТТЕРІ
DOI:
https://doi.org/10.26577/JH-2018-4-321Аннотация
XIX ғ. екінші жартысы – XX ғ. басында ғылымның қарқынды дамыған кезеңі болып табылады. Бұл процеске орталықта – Санкт-Петербургте орналасқан ғылыми мекемелермен қатар Ресей империясының перефериясы болған Орталық Азияда құрылған жергілікті қоғамдық ғылыми мекемелер де үлес қосты. Уақыт өте олардың бір бөлігі археологиялық зерттеулер, қайта қалпына келтіру, көне ескерткіштерді қорғау жұмыстармен айналысатын және өз еңбектерін арнайы жинақтарда басып шығарған ірі ғылыми мекемелерге айналған. Сондай мекемелердің бірі Ташкент қаласында 1895 ж. құрылған Археология әуесқойлары Түркістан үйірмесі болды.
Археология әуесқойлары Түркістан үйірмесі жиырма жылдан астам Орталық Азияда орналасқан археологиялық ескерткіштерін, материалдық мәдениетін зерттеген қоғамдық ғылыми-өлкетану мекемесі болып табылды.
Мақалада Археология әуесқойлары Түркістан үйірмесі осы өңірдегі археология саласындағы жергілікті қоғамдық өлкетану ұйымы ретінде құрылу тарихы, оның негізгі мақсаты мен міндеттері қарастырылады.
