Ұлттық ойындардың қазақ қоғамындағы жастарды тәрбиелеудегі маңызы мен рөлі

Аннотация

Мақалада авторлар қазақ халқының дәстүрлі мәдениетінің бірі – ұлттық ойындардың қазақ қоғамында алатын орны, оның жастарды тәрбиелеудегі ролі мен маңызына назар аударады. Жас ұрпақты батылдыққа, ерлікке, Отансүйгіштікке, халқының асыл мұраларын қастерлеуде ұлттық ойындарды насихаттаудың маңызды екендігіне тоқталады. Авторлар қазақтың ұлттық ойындары жөніндегі зерттеулерді топқа бөле отырып еңбектерге талдау жүргізген. Қазақтың ұлттық ойындарының қай-қайсысы болмасын, мәселен: «Бәйге», «Көкпар», «Алтын сақа», «Хан талапай», «Қыз қуу», «Тоғызқұмалақ», т.б. жас жеткіншектердің еңбекке деген қарым-қатынасы мен қабілеттерін арттырады. Ойын арқылы баланың ақыл-ойы дамып, батырлық-батылдық туралы түсінігі қалыптасады. Адалдық ержүректілікке ұмтылуы мен шыдамдылық, ептілік қасиеттері қалыптасатындығын көрсетеді.