НӘЗІР ТӨРЕҚҰЛОВТЫҢ ХХ ҒАСЫР БАСЫНДАҒЫ ЛАТЫН ӘЛІПБИІНЕ КӨШУДЕГІ ҚЫЗМЕТІ
DOI:
https://doi.org/10.26577/JH-2018-1-199Аннотация
Бұл мақала белгілі қоғам және мемлекет қайраткері Нәзір Төреқұловқа, оның латын әліпбиіне өтудегі қызметіне арналған. 1929-1940 жылдары Қазақстан латын әліпбиін қабылдаған жылдар еді. Сонымен қатар оның тұлғалық қасиеттері екі елдің КСРО мен Сауд Арабияның екіжақты байланыстарын жақсартқан. ХХ ғасыр басында латын әліпбиіне өту ол уақыт талабының меншігінде екенін атап айтып, Бакудегі Бірінші Бүкілодақтық Түркологиялық Съезде латынды қабылдауға өз үлесін қосқан. Оның қоғамдық-саяси қызметіне және шығармашылығына талдау жасалады. Сонымен қатар, тұлғатануға байланысты ұсыныстар жасалады. Нәзір Төреқұлов ұлты қазақ – сол уақыттағы бірінші кеңес дипломаты, отандық ғылымда атын алтын әріппен қалдырған тұлға. Кезінде жазықсыз жараланған белгілі халқымыздың ұлдарының өмірі мен қызметін зерттеу тарих үшін басты мақсаттардың бірі болып саналады.
